جنحة طمس اللوحات المعدنية و قرار المرور بشأن طمس اللوحات

 جنحة طمس اللوحات المعدنية

قرار المرور بشأن طمس اللوحات
يعنى أى طمس لوحات معدنية ؟
إن صاحب العربية قام بـ ثني اللوحة المعدنية نصفين أو عمل اى لعب فى اللوحة المعدنية بتاعة العربية / الدراجة (مثلا يحاول يخفى رقم أو حرف ) سواء كانت اللوحة الأمامية أو الخلفية
اية هيا عقوبة طمس اللوحات ؟
قانون المرور بيعاقب على طمس اللوحة المعدنية أو عدم وضوحها ، حيث تقع عليه عقوبة تترواح بين 300 لـ1500 جنيه، كما أنها تصل لإيقاف الرخصة لمدة تصل لـ6 أشهر، وهذه المخالفة لا يجوز التصالح فيها يعنى مينفعش تدفع المخالفة و انتا ماشى فى الشارع مع ضابط المرور و بالتالى حضرتك هاتتحجز فى القسم لغاية لما تتعرض على النيابة و يصدر قرار بشأن الدراجة / السيارة ويتحدد جلسة و دة موضوع تانى هاعمل ليكم بوست علشانة .
المهم دلوقتى انتا خرجت بالسلامة من القسم و أتحدد ليك جلسة للمحاكمة و عايز تستلم عربيتك :
خد بالك علشان لازم يكون معاك الأوراق دى :
اية المستندات المطلوبة لإستلام المركبة ؟
و انا هنا هاتكلم على السيارة مش الدراجة
1-قرار من النيابة بإستلام السيارة
2-فحص فنى للسيارة (من مكان جراج السيارة + مرور السيارة )
3-شهادة مخالفات للسيارة (دفع المخالفات + شهادة بالدفع – براءة ذمة-)
4-شهادة بيانات لفك الضبط (من المرور)
5-صورة بطاقة الرقم القومى
6-خطاب من مباحث المرور
7-محضر إجراءات
تجمع كل الأوراق دى و كل ما تطلع ورقة من الأوراق دى لازم يكون معاك منها على الأقل 3 صور ضوئية .

تعليقات

إرسال تعليق

المشاركات الشائعة من هذه المدونة

صورة
كيف أحسب قيمة الورث   توزيع الميراث بين الذكور و الاناث   ميراث يعنى انك بتاخد مال مملوك لحد تانى بس بعد ما يموت ، و دة بيحصل علشان سبب معين أسمة ( الميراث ) . والسبب دة يا حضرات لية شروط لازم تكون موجودة . و كمان الميراث ممكن يكون المال نفسة زى ما بنلاقى واحد بيقول الشقة دى أخدتها ميراث من والدى فى حدائق القبة . المهم هنا ازاى تحسب قيمة الورث : لازم تعرف فى البداية إن أى واحد عندة شروط معينة ، تخلية يورث فى قريبة حتى لو بعيد عنة فى القرابة المهم الشروط موجودة فية ولا لاء و بالتالى الوارث هو كل واحد بيكون لية قطعة من مال الشخص المتوفى يعنى لية نصيب محدد المقدار . النصيب دة ممكن يكون 100 متر فى ارض ، او 100.000 جنية فى بنك . و علشان تعرف تحسب قيمة الورث و هتاخد نصف ولا سدس ولا ربع دة بيتحسب على اساس انتا قريب المتوفى لدرجة أى ، مثلا تقول أنا زوجة المتوفى ، انا أب ، أنا إبن ، انا أخ مش تقول مين يورث خالى او عمتى أو عمى ، و الحتة دى ممكن تلغبط اى محامى ميراث فى مصر . يعنى علشان تحسب قيمة الورث كام بطريقة صح لازم تاخد بالك : أنك لما تحدد درجة القرابة يكون عن طريق صلتك العائ
قراءة المزيد
  لما تسأل عن محامى متخصص فى الملكية الفكرية هايقولك شوية معلومات عن حقوق الملكية الفكرية فى مصر .   الملكية الفكريه يعني حقوق على الافكار اللي انت بتخرجها من دماغك وبتظهر للناس من خلال مثلا قصه بتالفها او اختراع بتخترعه او لو كنت صنايعي على النموذج اللي بتخرجه او لو كنت تاجر حقك على اسم المحل بتاعك او علامتك التجاريه وشهرتك وثقه العملاء فيك . والافكار بتاعتك دى بتديك الحق من الناحيه الادبيه ومن الناحيه الماليه من الناحيه الادبيه ليك الحق في انك تقول على المنتج ده ان هو بتاعك وجاي من افكارك يعني نربط فكرتك باسمك زي ما بنقول على المصباح انها اختراع اديسون اما الناحيه الثانيه وهي الناحيه الماليه يعني ليك الحق في ان انت تاخد فلوس على الاختراع بتاعك لما حد يجي يستخدمه .  و المحامى المتخصص فى الملكية الفكرية عارف أن قانون حمايه حقوق الملكيه الفكريه هو القانون رقم 82 لسنه 2003 وهو بيحمي 1- براءات الاختراع 2- العلامات والبيانات التجاريه 3- حقوق المؤلف 4- الاصناف النباتيه دي اختصار للحقوق اللي بيحميها القانون المصري و و محامى الملكية الفكرية هايقولك ان القانون المصري بيحمي
قراءة المزيد