لما تسأل عن محامى متخصص فى الملكية الفكرية هايقولك شوية معلومات عن
حقوق الملكية الفكرية فى مصر .
الملكية الفكريه يعني حقوق على الافكار اللي انت بتخرجها من دماغك
وبتظهر للناس من خلال مثلا قصه بتالفها او اختراع بتخترعه او لو كنت صنايعي على
النموذج اللي بتخرجه او لو كنت تاجر حقك على اسم المحل بتاعك او علامتك التجاريه
وشهرتك وثقه العملاء فيك .
والافكار بتاعتك دى بتديك الحق من الناحيه الادبيه ومن الناحيه
الماليه من الناحيه الادبيه ليك الحق في انك تقول على المنتج ده ان هو بتاعك وجاي
من افكارك يعني نربط فكرتك باسمك زي ما بنقول على المصباح انها اختراع اديسون اما
الناحيه الثانيه وهي الناحيه الماليه يعني ليك الحق في ان انت تاخد فلوس على
الاختراع بتاعك لما حد يجي يستخدمه .
و المحامى المتخصص فى الملكية الفكرية عارف أن قانون حمايه
حقوق الملكيه الفكريه هو القانون رقم 82 لسنه 2003 وهو بيحمي
1- براءات الاختراع
2- العلامات والبيانات التجاريه
3- حقوق المؤلف
4- الاصناف النباتيه
دي اختصار للحقوق اللي بيحميها القانون المصري و و محامى الملكية
الفكرية هايقولك ان القانون المصري بيحمي اي حاجه تكون مبتكره يعني جديده سواء كان
عمل ادبي او فني او علمي او صناعي او تجاري ايا كان نوعه او طريقه التعبير عنه او
اهميته او الغرض منه .
ايه الحاجات اللي ليها حمايه:
الحاجات اللي ليها حمايه هي اي عمل او ناتج ذهني او فكري او ادبي او
فني او علمي او صناعي او تجاري ايا كان نوعه وايا كانت طريقه التعبير عنه سواء
بالكتابه او بالصوت او بالرسمه او بالتصوير او بالحركه او غيرها.
الشرط المهم بس في الحاجه اللي انت عملتها ان هي تكون مبتكره يعني
جديده يعني فيها ابداع اصلي على المصنف بتاعك يعني ظهر فية شخصيتك سواء من حيث
الاسلوب او طريقه العرض بتاعه الافكار يعني من الاخر التاتش بتاعك .
و أى محامى متخصص فى حقوق و قضايا الملكية الفكرية هايقولك : كفايه
بس انك تكون عملت اي جديد على المنتج ده مثلا عجبتك قصه منشوره واخذت اذن من
صاحبها انك تعملها في فيلم سينمائي هنا الفيلم يعتبر مصنف ومحمي طالما ان عمليه
التحويل كان فيها شيء مبتكر او ظهرت فيها شخصيه المؤلف.
اما لو الحاجه اللي انت عملتها اللي هي المصنف ما فيهاش ابتكار
فمش هيكون ليها حمايه.
مين هو صاحب المصنف مين هو المؤلف؟
المؤلف هو الشخص اللي ابتكر المصنف واللي بيتكتب اسمه عليه لما
يتنشر.
والمؤلف ده ممكن يكون شخص واحد او ممكن يكونوا مجموعه اشخاص .
ايه هي الحقوق على الاختراع او المصنف؟
عند أستشارة محامى متخصص فى حقوق الملكية الفكرية هايقولك ان فية
نوعين من الحقوق
اولاً : الحق الادبي:
للمخترع او المؤلف و ورثته حقوق ابديه لا تقبل
التقادم او التنازل عنها والحقوق الادبيه تشمل:
1- الحق في عرض المصنف او الاختراع لاول مره على الجمهور.
2- الحق في ان يذكر اسمه على المصنف او الاختراع
3- حق في ان يمنع اي شخص من تعديل مصنفه او الاختراع طالما كان هذا
التعديل فيه تشويه او تحريف
ثانيا الحق المالي:
و دى غالباً بتكون محل لقضايا الملكية الفكرية
وهو حق الاستغلال المالي للمصنف عندما ينشر على الجمهور باي
طريقه من الطرق ما ينفعش حد غير المؤلف ينشر المصنف على الجمهور الا بعد ما ياخذ
اذن كتابي من المؤلف او من الورثه او من له حق الاستغلال المالي.
وطريقه استغلال المصنف تكون اما عن طريق نقله الى
الجمهور مباشره اي عن طريق الاداء العلني او عن طريق غير مباشر وهو النشر.
الاداء العلني يعني الحصول على المصنف بطريقه
مباشره مثل التمثيل او القاء باي طريقه سواء المؤلف بنفسه او يساعده اخرين او
يستخدم كمبيوتر او الانترنت.
اما حق النشر وهو اعطاء المصنف الى الجمهور بطريقه
طباعه او الرسم او الحفر او التصوير او النسخ باي طريقه من الطرق .
اعطاء المصنف للجمهور قد تكون بحالته الاصليه او بعد تحويله الى
طريقه اخرى مثل تحويل القصه الى مسرحيه .
الحق المالي يجوز التصرف فيه الى الغير سواء في كل الحقوق الماليه او
بعض الحقوق الماليه ولكي يكون التصرف صحيح من الناحيه القانونيه يجب ان يكون
مكتوبا ومحدد صراحه بالتفصيل ما هي الحقوق التي تم التصرف فيها مع توضيح مدى
التصرف والغرض منه ومده الاستغلال ومكان الاستغلال.
الحق المالي حق مؤقت لان مده الحمايه كقاعده عامه هي 50 سنه من تاريخ
وفاه المؤلف اذا كان المصنف فرديا اما اذا كان مصنف مشتركا في حمايه حقوق
مؤلفيها تكون طوال مده حياتهم ولمده 50 سنه تبدا من تاريخ وفاه اخر شخص فيهم .
وبعد انتهاء مده الحمايه يصبح المصنف مباح من ناحيه الاستغلال المالي
لكل من يشاء استغلاله دون مسؤوليه عليه وذلك عند انتهاء مده الحمايه لان المصنف في
هذه الحاله يكون قد انتقلت ملكيته الى الملك العام.
استثناءات على مده ال 50 سنه:
تطبق القاعده على مصنفات الجماعيه باستثناء
1-مصنفات الفن التطبيقي : تبدا مده ال 50 سنه من تاريخ نشر
مصنف التطبيقي او اتاحته للجمهور لاول مره ايهما ابعد ، وذلك في حاله اذا كان مالك
حقوق المؤلف شخص اعتباري. اما اذا كان مالك هذه الحقوق شخصا طبيعيا فتكون مده
الحمايه طبقا للقاعده العامه.
2- تنتهي الحقوق الماليه على المصنفات التي تنشر لاول مره بعد وفاه
مؤلفها بعد مرور 50 سنه تبدا من تاريخ نشرها او اتاحتها للجمهور لاول مره ايهما
ابعد.
3- تنتهي الحقوق الماليه على المصنفات التي تنشر بدون ذكر مؤلفها او
تنشر باسم مستعار لمده 50 سنه تبدا من تاريخ نشرها او اتاحتها للجمهور لاول مره
ايهما ابعد، اما في حاله ان مؤلفه كشف عن شخصيته او مؤلف معروف فتكون مده الحمايه
طبقا للقاعده العامه .
4-تنتهي الحقوق الماليه لمؤلفي مصنفات الفن التطبيقي بانقضاء
25 سنه تبدا من تاريخ نشرها او اتحتها للجمهور لاول مره.
5- تنتهي حمايه حق المؤلف وحق من ترجم مصنفه الى لغه اجنبيه في ترجمه
هذا المصنف الى اللغه العربيه اذا لم يباشر المؤلف او مترجم هذا الحق بنفسه او
بواسطه بغيره خلال ثلاث سنوات من تاريخ اول نشر للمصنف الاصلي او المترجم .
تعليقات
إرسال تعليق